13 студзеня ў Рыме
пачнецца пяцідзённая сустрэча біскупаў Еўропы і Афрыкі. Тэма форуму вельмі шырокая:
”Евангелізацыя сёння: адзінства і душпастырскае супрацоўніцтва паміж Афрыкай і Еўропай.
Чалавечая асоба і Бог: місія Касцёла аб’яўляць прысутнасць і любоў Бога”. Як заявілі
арганізатары сустрэчы, вернікі і народы двух кантынентаў маюць патрэбу ў раўнапраўным
ўзаемаабмене. Няправільна лічыць, што толькі Еўропа дае, а Афрыка прымае дапамогу,
у прыватнасці, матэрыяльную. Таксама еўрапейцы могуць многаму навучыцца ў афрыканцаў,
напрыклад, радасці веры. Як падкрэслілі кс. Дуарте да Куна, генеральны сакратар Рады
Біскупскіх канферэнцый Еўропы, сустрэча з такой верай, гатовай на ахвяру, і менавіта
таму радаснай, з’яўляецца моцным лекам на стомленасць быцця хрысціянінам, якая існуе
ў Еўропе.
Удзельнікаў сустрэчы на спецыяльнай аўдыенцыі прыме папа Бэнэдыкт
XVI.