Кардынал Пасінья правядзе рэкалекцыі для Рымскай Курыі
Арцыбіскуп Кіншасы
кардынал Ларан Монсэнгво Пасінья правядзе сёлетнія велікапостныя рэкалекцыі для Рымскай
Курыі, якія пройдуць з 26 лютага па 3 сакавіка. У іх прыме ўдзел Бэнэдыкт ХVI. Кардынал
Ларан Монсэнгво Пасінья вядомы сваёй дзейнасцю на карысць дыялогу і прымірэння ў сваёй
краіне. “Ён заўсёды бараніў правы чалавека ў Дэмакратычнай Рэспубліцы Конга, асуджаў
насілле, заклікаў да вырашэння канфліктаў згодна з міжнароднымі нормамі”, - адзначаецца
ў паведамленні Залі Друку Апостальскай Сталіцы.
Арцыбіскуп Ларан Монсэнгво
Пасінья нарадзіўся ў 1939 г. Біскупскае пасвячэнне атрымаў у 1980 г. У 2010 г. папа
Бэнэдыкт ХVI уключыў яго ў Калегію кардыналаў.