Ushtrimet shpirtërore të Krezhmëve të këtij viti në Vatikan
Ushtrimet shpirtërore të Krezhmëve të këtij viti për Papën e Kurien Romake, në program
nga data 26 shkurt deri më 3 mars në Vatikan, do t’i drejtojë e predikojë kardinali
kongolez Laurent Monsengwo Pasinya, kryeipeshkëv i Kinshasës e figurë e lartë e Kishës
katolike në Afrikë. Prelati është jashtëzakonisht i angazhuar në frontin e paqes si
dhe në skenën shoqërore të Vendit të vet, republikën demokratike të Kongos. Ekspert
i Biblës, kardinali Monsengwo Pasinya më 2008 ka qenë sekretar i veçantë i Sinodit
të ipeshkvijve mbi Fjalën e Zotit, e që nga viti 2010 nuk pushon që angazhuari kundër
çdo dhune e në favor të pajtimit, paqes e të dialogut si në Vendin e tij e po kështu
edhe në mbarë kontinentin afrikan.