Shefi i delegacionit të Serbisë në bisedimet me Kosovën, Borisllav Stefanoviq, bisedoi
në Budapest me ministrin e Jashtëm të Hungarisë, Janosh Martonji, për rrjedhat e deritashme
të dialogut, si dhe për zbatimin e marrëveshjeve të arritura. "Stefanoviq tha se Beogradi
është i hapur për vazhdimin e dialogut dhe se ka qasje konstruktive në gjetjen e zgjidhjeve
të pranueshme nga të dyja palët", thuhet në komunikatën e bërë sot publike nga Qeveria
e Serbisë. Kujtojmë se bisedimet teknike ndërmjet Kosovës e Serbisë kanë nisur
në mars të vitit të kaluar. Dy Shtetet kanë arritur disa marrëveshje, por kanë ngecur
në çështjen e përfaqësimit rajonal të Prishtinës. Serbia këmbëngul që Kosova të
përfaqësohet në nisma e forume rajonale e ndërkombëtare nën rezolutën 1244 të OKB
së, ndërkohë që autoritetet kosovare insistojnë në përfaqësimin e saj si Shtet.