Беларусь: каталіцкія кнігі сталі прызёрамі нацыянальнага конкурсу
Свята для чытачоў
і выдаўцоў. Сёння ў Мінску адкрылася XIX Міжнародная кніжная выстава-кірмаш. 20 краін
прадставілі публіцыстыку, літаратуру навуковую і мастацкую, а таксама духоўную. Ужо
традыцыйна ўдзельнікам гэтага форуму з’яўляецца выдавецтва Мінска-Магілёўскай архідыяцэзіі
“Pro Christo”. Яшчэ перад афіцыйным адкрыццём да каталіцкага стэнду падыходзілі госці.
Зацікаўленасць у духоўнай літаратуры зараз вельмі высокая, як сярод католікаў і прадстаўнікоў
іншых канфесій, так і няверуюўчых, адзначыў мітрапаліт Тадэвуш Кандрусевіч.
Апошнімі
значнымі фундаментальнымі выданнямі з’яўляюцца “Кампендый Сацыяльнага вучэння Касцёла”
і “Літургічная агенда”, паведаміў іерах, а, напрыклад, публікацыі ў каталіцкім часопісе
“Наша вера” студэнты выкарыстоўваюць для напісання навуковых прац.
Кожны год
“Pro Christo” выдае 10-15 новых кніг. У сёлетняй экспазіцыі – усе навінкі. А сярод
іх ёсць і ўзнагароджаныя. Намеснік кіраўніка выдавецтва Яраслаў Чапля прадэманстраваў
выданні, якія ўчора атрымалі дыпломы Нацыянальнага конкурсу “Мастацтва кнігі-2012”.
“Гэта кніга “In nomini domini” пра гісторыю мінскай катэдры, якая адзначала не так
даўно сваё 300- годдзе. Кніга-альбом вельмі прыгожа аформлена і не дзіўна, што заслужыла
ўвагу журы. Другім выданнем, якое заўважыла журы, быў альбом пад назвай “Падрыхтуйце
дарогу Пану” пра візіт у Беларусь кардынала Тарчызіо Бэртонэ, які стаў падзеяй не
толькі для Касцёла, але і для ўсёй грамадскасці.
Выстава будзе праходзіць
да 12-га лютага. Увесь час тут можно не толькі пабачыць, але і набыць духоўную літаратуру.
Ну а потым шукайце выданні на паліцах магізінаў або бібліятэк. Выдаўцы ж ужо працуюць
над экспазіцыяй наступнай выставы – у бліжэйшыя месяцы будуць выдадзена кніга вершаў
кс. Яна Твардоўскага – так бы мовіць для душы, і кніга, якая мае практычнае значэнне
– даступны аповед аб падрабязнасцях св. Імшы. Асабліва яе чакаюць тыя, хто нядаўна
прыйшоў да веры.