Святы Айцец прыняў даверчыя граматы новага кіраўніка прадстаўніцтва Еўрапейскага Саюза
6 лютага Бэнэдыкт
XVI прыняў даверчыя граматы новага кіраўніка прадстаўніцтва Еўрапейскага Саюза пры
Апостальскай Сталіцы Лорэнс Аргімон-Пістрэ. У структурах Еўрасаюза новы дыппрадстаўнік
працуе з 1978 г. Была старшынёй Камісіі па адносінах з Індыяй, Непалам, Бутанам і
Чылі. З 2007 г. з’яўлялася кіраўніком прадстаўніцтва Еўрапейскага Саюза пры Арганізацыі
эканамічнага супрацоўніцтва і развіцця і ЮНЕСКА ў Парыжы. Аргімон-Пістрэ нарадзілася
ў 1953 г. у Францыі. Замужам, мае трох дзяцей. Вывучала юрыдычныя навукі ва ўніверсітэце
Грэнобля. Затым выкладала ў Барселонскім універсітэце. Акрамя французскай, валодае
англійскай, іспанскай, нямецкай і партугальскай мовамі.