Першы пастырскі ліст кіраўніка ардынарыята для былых англікан у ЗША
Кіраўнік Персанальнага ардынарыята Пасада св. Пятра для былых англікан у ЗША кс. Джэфры
Сцінсан скіраваў першы пастырскі ліст да святароў і вернікаў, у якім паведаміў, што
ў Хьюстане прайшла падрыхтоўчая сустрэча для кандыдатаў да святарства і іх жонак.
“З дапамогай арцыбіскупа Гальвестан-Хьюстанскага кардынала Даніэля Дзінардо мы пачалі
рабіць першыя шляхі ў падрыхтоўцы да святарскіх пасвячэнняў”, - гаворыцца ў лісце.
Кс. Сцінсан адзначыў, што ардынарыят дзейнічае толькі на працягу аднаго месяца, і
пытанне аб будучых святарах стала прычынай, каб сустрэцца і абмеркаваць многія праблемы.
“Існуе шмат пытанняў, на якія мы пакуль, нажаль, не заўсёды маем адказы, але мы ведаем,
у якім накірунку трэба глядзей. Наша мэта – увайсці ў поўнае адзінства з Каталіцкім
Касцёлам. Гэта дае нам магчымасць выбраць правільны шлях і быць упэўненымі ў нашай
будучыні”, - напісаў ардынарый.
Акрамя таго, кс. Сцінсан паінфармаваў, што
святарскія пасвячэнні ў ардынарыяце адбудуцца 12 лютага ў катэдральным касцёле Найсвяцейшага
Сэрца Езуса ў Хьюстане. У іх прыме удзел арцыбіскуп Вашынгтонскі кардынал Дональд
Уільям Вюрл і кардынад Даніэль Дзінардо. У гэты дзень адбудзецца таксама літургічнае
ўвядзенне кс. Джэфры Сцінсана на пасаду ардынарыя. У сваім паведамленні святар адзначыў,
што колькасць жадаючых далучыцца да ардынарыяту вернікаў павялічваецца. “Мне былі
прадстаўлены шматлікія звароты ад людзей, якія хочуць ісці ў накірунку поўнага адзінства
з Каталіцкім Касцёлам”, - паведаміў кс. Сцінсан.