Арцыбіскуп Фізікелла: гандлёвыя цэнтры сталі “новымі плошчамі”, на якіх трэба абвяшчаць
Евангелле
“У 2013 г. колькасць еўрапейскіх гарадоў-удзельнікаў ініцыятывы “Місіія ў мегаполісах”
узрасце з 12 да 72”, - расказаў у інтэрв’ю “L’Osservatore Romano” арцыбіскуп Рыно
Фізікелла, старшыня Папскай рады па новай евангелізацыі. Іерарх падкрэсліў, што гэтыя
лічбы выглядаюць вельмі сімвалічна, бо нагадваюць аб колькасці апосталаў і першых
вучняў, якіх Хрыстус адправіў абвяшчаць Евангелле свету. Арцыбіскуп Фізікелла нагадаў,
што перад святам Божага Нараджэння, ён цэлебраваў св. Імшу, у адным з самых вялікіх
гандлёвых цэнтраў Еўропы. На яго думку, менавіта гандлёвыя цэнтры могуць стаць сёння
“новымі плошчамі новых і старых гарадоў”, на якіх сустракаюцца людзі рознага узросту
і сацыяльнага статуса, таму тут неабходна абвяшчаць Добрую Навіну. “Хрысціяне пакліканы
нагадваць аб тым, што чалавек каштуе нашмат больш чым тое, што ён набывае ці прадае,
і павінен заўсёды пытацца ў самаго сябе аб сэнсе свайго існавання”, - сказаў арцыбіскуп.
Іерарх
расказаў, што зараз Папская рада па новай евангелізацыі актыўна працуе над складаннем
каляндара мерапрыемстваў, якія пройдуць у рамках Года веры, пачатак якому дасць Бэнэдыкт
XVI 11 кастрычніка 2012 г. “Мэтай кожнай ініцыятыва павінна стаць спрыянне ажыўленню
веры народа Божага, лепшаму знаёмству і перажыванню асабістай сустрэчы з Езусам, такому
жыццю, у якім заўсёды будзе месца жаданню глыбей разумець змест хрысціянства”, - сказаў
арцыбіскуп Фізікелла. Іерарх заклікаў вернікаў пазнаёміцца з Апостальскім лістом Бэнэдыкта
XVI “Porta fidei” (“Брама веры”), каб увайсці ў Год веры адпаведна падрыхтаваным і
перажыць яго плённа.
Акрамя таго, арцыбіскуп нагадаў, што ў гэтым годзе будзе
адзначацца 50-годдзе адкрыцця ІІ Ватыканскага Сабора, падзеі якая ахарактарызавала
дзейнасць Касцёла ў ХХ ст.. на думку іерарха святкаванне гэтага юбілею стане таксама
адной з асноўных падзей 2012 г.