U paraqit sot ekspozita “Universi brenda e jashtë nesh”, me kontributin e Observatorit
të Vatikanit.
Pamje spektakolare, instrumente me interes të madh dhe objekte të jashtëzakonshme,
si mineralet hënore e marciane, por edhe botimet origjinale të Galileo Galilei-t Kopernikut,
Njutonit, si dhe një seksion kushtuar kardinalit Pietro Mafi, në fillim të viteve
‘900, drejtor i Observatorit të Vatikanit. Pastaj, një libër i shtypur në gjuhën kineze,
dhuruar nga një mandarin i gjashtëqindes, jezuitit atë Mateo Riçi. Kjo është ekspozita
“Histori nga një botë tjetër. Universi brenda a jashtë nesh”, që do të hapet në Pizë,
pranverën e ardhshme, paraqitur sot në Sallën e Shtypit të Selisë së Shenjtë nga atë
Josè Gabriel Funes, drejtori aktual i Observatorit të Vatikanit, dhe autoritete të
tjera shtetërore e shkencore. “Historia e gjithësisë nuk mund të tregohet, pa historitë
tona ‘të vogla njerëzore”: me këto fjalë e paraqiti atë Funes, ekskpozitën, në të
cilën vizitorët do të mund të prekin me dorë takimin e historisë kozmike, me historinë
njerëzore.