ԵԳԻՊՏՈՍ։ 74 Զոհեր Փորթ Սաիտ-ի ֆութպոլի Մարզադաշտին Մէջ,Ահլի եւ Մասրի Խումբերուն Խաղին Յաջորդած Բռնարարքներու Ընթացքին։

Երէկ Եգիպտոսի Փորթ Սայիտ քաղաքին մէջ Ահլի եւ Մասրի ֆութպոլի խումբերուն միջեւ տեղի ունեցած մրցումին յաջորդեցին բռնարարքներ` երկու ակումբներու համակիրներուն միջեւ: Փախումներու հաշուէկշիռը ողբերրգական է։ Բռնարարքներուն զոհ գացած են 74 հոգի, իսկ հարիւրաւոր ուրիշներ վիրաւորուած են :Մրցումը վերջ գտած էր Մասրիի յաղթանակով` 3-1 արդիւնքով: Եգիպտոսի Իսլամ Եղբայրներ կուսակցութիւնը կ՝ամբաստանէ բռնարարքներու որպէս պատասխանատու՝ նախկին նախագահ Հիւսնի Միւպարէքի կողմնակիցները։ Մինչ այս 47 հոգի ձերբակալուած է։ Այսօր տեղի կ՝ունենայ Խորհրդարանական ստիպողական նիստ։