Боснія і Герцагавіна: католікі падвяргаюцца дыскрымінацыі
У Босніі і Герцагавіне католікі нават 20 гадоў пасля заканчэння Балканскай вайны падвяргаюцца
дыскрымінацыі. Аб гэтым заявіў кс. Антон Марыч, эканом дыяцэзіі Банья Лука. Землі,
адабраныя ў Касцёла, да сённяшняга дня не звернуты. Каталіцкія сем’і ў некаторых рэгіёнах
гадамі чакаюць падвядзення да сваіх дамоў вады і электрычнасці. Святары не маюць медыцынскага
страхавання, хоць паміж Ватыканам і Босніяй і Герцагавінай падпісана адпаведнае пагадненне.
Па
дадзеных мясцовай Канферэнцыі Каталіцкіх Біскупаў, да пачатку ваенных дзеянняў у былой
Югаславіі, у Босніі і Герцагавіне пражывала 835170 католікаў. У 2010 г. іх было ўсяго
441301. Па словах кс. Марыча, у яго парафіі перад вайной было тры-чатыры тысячы каталіцкіх
вернікаў, а сёння іх толькі 200. Падчас вайны ў Босніі і Герцагавіне тысячы людзей
загінулі, а большасць збегла ад баявых дзеянняў. Яны не вярнуліся, бо не бачаць будучыні
для сваіх сем’яў.