Pakistan: mëse 580 mijë firma nga 100 vende të botës për të shpëtuar Asia Bibin
Mëse 580 mijë vetë, nga e gjithë bota, kanë nënshkruar një peticion, me të cilin i
kërkojnë qeverisë pakistaneze të lirojë Asia Bibin, gruan e krishterë, të dënuar padrejtësisht
me vdekje, për blasfemi. Në këtë moment, ka filluar procesi i apelit para Gjykatës
së Lartë të Lahores. Rasti i saj është kthyer në simbol të persekutimeve kundër të
krishterëve në Pakistan. Peticioni është vendosur në internet nga organizata “Voice
of Martyrs” (Zëri i Martirëve), me seli në SHBA-të, dhe mund të nënshkruhet akoma
në faqen . Organizata e filloi këtë punë një vit më parë, kur rreth 150 mijë të krishterë
pakistanezë kishin mbledhur firmat për të kërkuar drejtësi për Asia Bibin dhe mbrojtjen
e pakicave fetare në Pakistan. Pas vendosjes në internet e pas promovimit të iniciativës
nga shoqata të krishtera në të pesë kontinentet, firmat mbërritën nga mëse 100 vende
të botës, për t’iu paraqitur ambasadës pakistaneze në Uashington.