Рым: біскуп Дзям’янка на сімпозіўме па сексуальных злоўжываннях
6-9 лютага ў Рыме па ініцыятыве Папскага Грыгарыянскага ўніверсітэта пройдзе сімпозіўм,
прысвечаны прафілактыцы сексуальных злоўжыванняў адносна непаўналетніх. У ім прымуць
удзел дэлегаты 110 біскупскіх канферэнцый і 30 настаяцеляў манаскіх супольнасцяў з
усяго свету. Канферэнцыю Каталіцкіх Біскупаў у Беларусі будзе прадстаўляць біскуп
Антоні Дзям’янка, генеральны сакратар епіскапата. На форуме размова пойдзе пра вопыт
Каталіцкага Касцёла ў абароне дзяцей ад сексуальных злачынстваў. Ініцыятыву падтрымалі
ватыканскія дыкастэрыі і Дзяржсакратарыят Апостальскай Сталіцы.
Падчас сустрэчы
пройдзе прэзентацыя “Цэнтра абароны дзяцей і моладзі” у Мюнхене, які быў створаны
па ініцыятыве Папскага Грыгарыянскага ўніверсітэта і Каталіцкага Касцёла ў Германіі.
Установу ўзначаліць Хуберт Лібхардт. Ён распрацаваў праграму дыстанцыйнага навучання
на некалькіх мовах і стварыў групы супрацоўнікаў, мэтай дзейнасці якіх будзе хуткае
і эфектыўнае прадухіленне сексуальнага выкарыстання дзяцей.