Экуменічнымі нешпарамі ў катэдральным касцёле нямецкага Трыра, на чале з мясцовым
біскупам Стэфанам Аккерманам, 30 студзеня пачаўся Міжнародны экуменічны форум. Ён
працягнецца да пятніцы. У сваім запрашэнні на форум біскуп Аккерман напісаў, што сустрэча
паспрыяе мірнаму, справядліваму і экалагічнаму суіснаванню людзей. “Сёння цэрквы з
вялікай адданасцю працуюць для пераадолення падзелу, каб быць разам перад тварам пытанняў
нашага часу”, - напісаў іерарх.
Сярод удзельнікаў міжнароднага форуму, старшыня
Папскай рады спрыяння хрысціянскаму адзінству кардынал Курт Кох, старшыня Рады Лютэранска-
евангелісцкай Царквы Германіі Ніколаўс Шнайдэр, Мітрапаліт Аугусцінус, кіраўнік Сінода
Праваслаўнай Царквы ў Германіі, і Олаф Фіксэ Твейт, Генеральны сакратар Сусветнай
Рады Цэркваў.
Асноўнымі тэмамі форуму будуць: хрысціянін у сучасным грамадстве
і дыялогу рэлігій, экуменічныя выклікі і перспектывы, а таксама пераемнасць у традыцыі
і перамены.