Жэнева: рэлігійныя лідэры размаўлялі пра дэмаграфію, крызіс і “новы атэізм”
30 студзеня было апублікавана заключнае паведамленне прайшоўшай у Жэневе сустрэчы
Сумеснага камітэту Канферэнцыі Еўрапейскіх Цэркваў і Рады Біскупскіх Канферэнцый Еўропы.
У мерапрыемстве прынялі ўдзел шматлікія іерархі, рэлігійныя дзеячы і эксперты ў галіне
дэмаграфічных, палітычных і эканамічных праблем. Падчас форума ўдзельнікі абмеркавалі
эканамічны крызіс у Еўропе, працэсы лаіцызацыі і “новага атэізма” на кантыненце.
У цэнтры ўвагі форуму былі таксама дэмаграфічныя выклікі, з якімі павінны змагацца
Цэрквы і грамадства, а таксама эміграцыйныя працэсы, што вядуць да патрэбы інтэнсіўнага
міжрэлігійнага дыялогу.
“На працягу трох дзён Сумесны камітэт слухаў даклады
аб эканамічнай і палітычнай сітуацыі ў Еўропе, душпастырскай працы Цэркваў сярод цыганаў
і будучым супрацоўніцтве ў дыялогу з мусульманамі ў Еўропе”, - адзначаецца ў паведамленні.
Сумесны
камітэт выказаў салідарнасць з тымі хрысціянамі, якія апынуліся ў цяжкай сітуацыі,
асабліва на Блізкім Усходзе: у Егіпце і Сірыі, а таксама выказаў сваю глыбоку заклапочанасць
сітуацыяй ў Нігерыі, дзе хрысціяне з’яўляюцца галоўнымі ахвярамі насілля.