Румынскі іерарх: пратэсты супраць урада маюць свае падставы
10-ы дзень у Румыніі праходзяць маніфестацыі пратэсту супраць беднасці і дарагавізны.
У інтэрв’ю нашаму радыё арцыбіскуп Бухарэстскі Ёан Рoбу падкрэсліў, што карані зла
ляжаць у некампетэнтнасці і карумпаванасці ўрада. Пасля ўваходу краіны ў Еўрасаюз
эканамічная сітуацыя палепшылася, але хутка ёй пачало карыстацца невялікае кола людзей
пры ўладзе. Іерарх паведаміў, што на працягу доўгага часу не можа сустрэцца з Прэзідэнтам
краіны, каб высветліць спрэчныя пытанні.
Cтаршыня Канферэнцыі Каталіцкіх Біскупаў
Румыніі адзначыў, што свабода перамяшчэння румынцаў па краінах ЕС нарадзіла таксама
і праблемы. Многія сем’і падзелены эміграцыяй, дзеці растуць без бацькоў, адчуваецца
недахоп рабочых некаторых прафесій. Арцыбіскуп упэўнены, што народны пратэст, які
вырас з недаверу да ўрада, мае свае падставы. На яго думку, ад маральнага крызісу
і крызісу веры, у якім апынулася Румынія, паходзяць шматлікія беды як у эканоміцы,
так і ў грамадскім жыцці.