23 студзеня вуліцамі Вашынгтона прайшоў 39-ы “Марш для Жыцця”, у якім прынялі ўдзел
тычячы чалавек розных веравызнанняў і рэлігій. Новапрызначаны кардынал Цімаці Долан,
старшыня Канферэнцыі Біскупаў ЗША, звяртаючыся да ўдзельнікаў, заклікаў ніколі не
здавацца перад тым, хто атакуе жыццё і свабоду сумлення. “З чалавечага пункту гледжання
мы будзем падвяргацца спакусам урада краіны, які лічыць зачацце, цяжарнасць і нараджэнне
хваробай, якую трэба лячыць”, - сказаў арцыбіскуп Нью-Ёркскі.
Іерарх нагадаў
аб рашэнні адміністрацыі Абамы, паводле якога, пачынаючы з 2013 г., усе медыцынскія
ўстановы краіны, уключаючы каталіцкія, будуць вымушаны прадастаўляць кантрацэптывы
і абартыўныя прэпараты на патрабаванне кліента.
У сваю чаргу, кардынал Даніэль
ді Нардо, старшыня камісіі “Pro-Life” у епіскапаце ЗША, сказаў, што “ніколі ў гісторыі
Амерыкі федэральны ўрад не прымушаў сваіх грамадзян купляць прадукт, які парушаў бы
яго перакананні” і нагадаў аб заклапочанасці Бэнэдыкта ХVI сітуацыяй са свабодай веравызнання
ў ЗША.