Кіраўнік Залі Друку Апостальскай Сталіцы кс. Фэдэрыко Ламбардзі ў інтэрв’ю каналу
“EWTN News” сказаў, што існуе магчымасць візіту Святога Айца ў канцы 2012 г. у Ліван.
Нагодай для падарожжа можа стаць урачыстая перадача прадстаўнікам біскупскіх канферэнцый
краін Блізкага Усходу паслясінадальнай апостальскай адгартацыі, якая з’яўляецца вынікам
прац Сіноду Біскупаў для Блізкага Усходу. Ён праходзіў у Ватыкане ў кастрычніку 2010
г. “У кантэксце апублікавання дакумента сіноду, вельмі магчыма і сэнсоўна, што сам
Папа прыбудзе ў Ліван і перадасць гэта пасланне”, - сказаў кс. Ламбардзі.
Ён
адзначыў, што Ліван, безумоўна, жадае прыняць Святога Айца. “Паколькі Бэнэдыкт ХVI
быў ужо у Святой Зямлі, Ліван з’яўляецца аптымальным месцам для гэтай падзеі”, - падкрэсліў
кс. Фэдэрыко Ламбардзі.