Каталіцкія біскупы
Ірака на сваёй двухдзённай пленарнай асамблеі, якая адбылася ў Анкаве абмеркавалі
душпастырскую і грамадска-палітычную сітуацыю ў краіне. У паведамленні на заканчэнне
прац адзначылі, што барацьба за ўладу ў краіне паміж шыітамі, сунітамі і курдамі спрычыняе
цярпенні хрысціянскай меньшасці. Іерархі звярнулі ўвагу на неабходнасць прывернення
бяспекі, стабільнасці і плюралізма ў дзяржаве. “Ірак патрабуе прымірэння, гармоніі,
ўзаемнай павагі і адмовы ад ўсялякіх формаў насілля і экстрэмізма”, - адзначылі біскупы.
Іерархі заклікалі жыхароў краіны, каб незалежна ад палітычных ці этнічных адрозненняў
уступілі на шлях міру і згоды. “Толькі тады зможа аднавіцца “цудоўная мазаіка”, якая
вядомая ў Іраку ад стагоддзяў”, - сцвярджаюць біскупы. Іракскія іерархі падкрэслілі,
што толькі тады у краіну змогуць вярнуцца эмігранты і ў Іраку пачнецца час адбудовы
пасля стратаў, нанесеных вайной.