Інфармацыйнае агенцтва “AsiaNews” адзначае, што 19 студзеня ісламскі суд штату Кашмір
у паўночнай Індыі загадаў, каб пяць хрысціянскіх святароў пакінулі краіну. Іх абвінавачваюць
у прымусовым навяртанні на хрысціянства мясцовых жыхароў. “Гэты прыгавор беззаконны,
бо ісламскі трыбунал не мае ніякай ўлады у нашай краіне. Найвышэйшы суд Індыі павінен
прыцягнуць да адказнасці членаў гэтага трыбунала, які прытрымліваецца закона шарыята”,
- сказаў Саян Георг, старшыня Агульнаіндыйскай Рады Хрысціян.
Ён адзначыў,
што калі Найвышэйшы Суд падпарадкуецца гэтаму ісламскаму трыбуналу; гэта можа паспрыяць
насіллю супраць хрысціянскай меньшасці. “Таму мы намерваемся паслаць петыцыю да Камісіі
правоў чалавека пры ААН у абароне гэтых святароў”, - сказаў Саян Георг.
Канстытуцыя
Індыі запэўнівае рэлігійную сваюбоду ўсім грамадзянам, якія маюць права да вызнавання
сваёй рэлігіі. “Хрысціянскія ўстановы служаць дзяржаве, а не прыватным інтарэсам паслядоўнікаў
Хрыста”, - адзначае інфармацыйнае агенцтва “AsiaNews”.