Sipas gazetës ungjillore të Uashingtonit “The Christian Post”, regjimi i Sudanit ka
filluar një fushatë kundër rregulltarëve të krishterë, të cilët akuzohen për prozelitizëm.
Ministri i Fesë i Khartoumit, gjatë ditëve të kaluara, kërcënoi se do të arrestojë
të gjitha ata predikatarë të krishterë, që do të kapen duke kryer vepra ungjillëzimi,
siç thuhet në deklaratë. Ndërkaq, të dielën e kaluar, njerëz të armatosur rrëmbyen
dy meshtarë katolikë sudanezë. Rrëmbyesit patën premtuar t’i lirojnë pas dy ditësh,
por priftërinjtë mbahen akoma peng. Ipeshkvi i Kurit denoncon regjimin, i cili nuk
reagon aspak ndaj rrëmbimeve në zonë.