Папскі ўніверсітэт ладзіць сімпозіўм аб сексуальных злоўжываннях
Папскі Грыгарыянскі
ўніверсітэт з 6 па 9 лютага запрасіў біскупаў і настаяцеляў манаскіх кангрэгацый з
усяго свету на сімпозіўм прысвечаны пытанню ўкладу Касцёла ў абарону ад сексуальных
злачынстваў у адносінах да дзяцей і моладзі. Задача форуму – абмен вопытам і інфармацыяй
аб магчымасцях прафілактыкі, выяўлення адпаведнай і тэрміновай рэакцыі на глабальным
узроўні на такога роду праблему. Удзельнікі ў маі мінулага году атрымалі ад Кангрэгацыі
Веравучэнння спецыяльную інструкцыю, у якой ватыканская дыкастэрыя запрасіла дыяцэзіі
і манаскія супольнасці стварыць “адэкватныя працэдуры для забеспячэння дапамогі ахвярам
падобных злачынстваў і адукацыі касцёльнай супольнасці ў справе абароны непаўналетніх”.
Адкрые
сімпозіўм прэфект Кангрэгацыі Веравучэння кардынал Вільям Жозэф Левада. Сваё сведчанне
дасць ахвяра сексуальнага злоўжывання, выступяць шматлікія спецыялісты і еўрапейскія
палітыкі. У мерапрыемстве прыме ўдзел кс. Фэдэрыко Ламбардзі, дырэктар Залі Друку
Апостальскай Сталіцы.