Հայազգի Դատաւոր Արման Արապեանի Հատորի Ներկայացում «Արարատ Տան» Մէջ
ՄԻՇԸՆ ՀԻԼԶ, Քալիֆորնիա.- Կիրակի, Յունուար 15ի յետմիջօրէին, «Արարատ տան» «Էսքիճեան»
սրահին մէջ, տեղի ունեցաւ դատաւոր Արման Արապեանի ինքնակենսագրական նոր հրատարակած
հատորին՝ «From the Gravel to the Gavel»ի ներկայացումը հանրութեան։ Արման Արապեան անդրանիկ
զաւակն է Հայկական Ցեղասպանութենէն վերապրած ամոլի մը եւ ծնած է Նիւ Եորք: Ան իր իրաւաբանական
վկայականը ստացած է «Պոսթըն» համալսարանի իրաւաբանութեան վարժարանէն, 1961ին, որմէ ետք
ան նշանակուած է Լոս Անճելըսի շրջանային դատախազի տեղակալ: Հայազգի իրաւաբանը 1972ին,
նշանակուած է քաղաքի ատեանի դատաւոր, իսկ մէկ տարի ետք՝ Լոս Անճելըսի գաւառային ատեանի
դատաւոր: 1983ին ան Քալիֆորնիոյ վճռաբեկ ատեանի դատաւոր նշանակուած է, իսկ 1990ին՝ նահանգի
Գերագոյն ատեանի դատաւոր, որուն անդամակցած է մինչեւ 1996: