Касцёл у Бельгіі: кампенсацыю возьмуць на сябе самі сексуальныя злачынцы
Як паведаміў 17 студзеня агенцтву “SIR” кс. Томмі Шолтэс, адказны за СМІ ў Канферэнцыі
Біскупаў Бельгіі, працягваецца супрацоўніцтва Касцёла з органамі правасуддзя краіны
ў вырашэнні спраў, звязаных з сексуальнымі злоўжываннямі некаторых святароў. Сёння
следчыя органы пачалі працу ў сядзібе дыяцэзіі Бруге. Як паведаміў журналістам кс.
Шолтэс, на мінулым тыдні біскупы і настаяцелі манаскіх кангрэгацый Бельгіі прадставілі
СМІ спецыяльны дакумент, прысвечаны працягу расследвання сексуальных злачынстваў,
кампенсацый за іх і прафілактыцы. У дакуменце падкрэсліваецца асабістая адказнасць
сексуальных злачынцаў за свае дзеянні і гучыць запрашэнне да ахвяраў прадстаўляць
адпаведныя заявы непасрэдна ў органы правасуддзя.
Як адзначыў прадстаўнік
біскупскай канферэнцыі, гэта паспрыяе празрыстасці спраў і клопату аб ахвярах злачынстваў,
а таксама прадухіленню падобных сітуацый у будучыні. На сайце епіскапату падрабязна
апісаны парадак працэдур, неабходных для папярэджання і выяўлення сексуальных злачынстваў,
а таксама лячэння ран, звязаных з імі. Таксама гаворыцца, што ў спецыяльным пастырскім
лісце біскупы замацавалі сістэму матэрыяльнай кампенсацыі. Адказнасць за зварот маральнага
і фізічнага ўрону возьмуць на сябе самі злачынцы, і зробяць гэта за кошт уласных сродкаў.