Кардынал Бэртонэ прызначыў новага дырэктара Ватыканскай тыпаграфіі
Кардынал Дзяржсакратар Тарчызіо Бэртонэ прызначыў 17 студзеня новага генеральнага
дырэктара Ватыканскай тыпаграфіі – выдавецтва “L'Osservatore Romano”. Ім стаў салезіянін,
кс. Серджыо Пелліні. Новы дырэктар нарадзіўся ў італьянскім Леньяно 16 мая 1959 г.
У 1987 г. атрымаў святарскае пасвячэнне. Выконваў розныя функцыі ў кангрэгацыі салезіянаў
у Італіі. З ліпеня 2010 з’яўляўся рэктарам вядомага цэнтра салезіянскай духоўнасці
імя Яна Боска ў італьянскім Кастэльнуово.
Ватыканская тыпаграфія была заснавана
падчас пантыфікату Сікста V у 1587 г. Як гаворыцца на афіцыйнай старонцы ўстановы,
“тыпаграфія 24 гадзіны ў суткі знаходзіцца на службе Святому Пасаду і дзяржаве Ватыкан,
а таксама выконвае працы для розных устаноў рэлігійнага характару, у агульнай складанасці
5000 замоў у год”.