Կիրակի 15 Յունուար 2012։ Այսօր կը նշուի “Anglicanorum cœtibus” կոչուած Առաքելական
Սահմանադրութեան կողմէ հաստատուած, Մեծն Պրիթանիոյ Անկլիգան եկեղեցիէն` Կաթողիկէ Եկեղեցիին
միացող կղերականներու եւ հաւատացեաալներու ի նպաստ հաստատուած Թեմի հիմնադրութեան առաջին
տարեդարձը։ Սոյն Թեմին Վիճակաւորն է Անկլիգան նախկին Եպիսկոպոս ու կաթողիկէ քահանայ
ձեռնադրուած Հայր Գէյթ Նիւթոնը, մինչ թեմին պաշտպան Սուրբն է Երանելի Ճոն Հէնրի Նիւման-ը։
Այս առաջին տարեդարձին առթիւ յառաջիկայ 19-25 փետրուար խումբ մը քահանաներ ու հաւատացեալներ
իրենց եպիսկոպոսի առաջնորդութեամբ ուխտագնացութեան պիտի գան Հռոմ` շնորհակալութիւն յայտնելու
Սրբազան Հօր ,քանի ընդարաջեց Թեմի հաստատման խնդրանքին ։ Անգլիացի ուխատւորները ապա
ներկայ պիտի գտնուին Պենետիկտոս ԺԶ Սրբազան Քահանայապետի չորեքշաբթի օրուայ ընդհանուր
ունկնդրութեան։
Յիշենք նաեւ որ այսօր Գերմանիոյ եկեղեցին կը նշէ ՝՝Ընտանիքի Կիրակին՝՝
որ այս տարի ունի որպէս նիւթ <<Պսակ եւ Ընտանիք։ Ապրիլ սէրը մէկը միւսին համար։>>