Вялікабрытанія: першая гадавіна заснавання ардынарыята для былых англіканаў
15 студзеня ў Лондане
пройдуць святочныя мерапрыемствы ў сувязі з першай гадавінай заснавання і дзейнасці
Персанальнага ардынарыята Маці Божай з Уолсінгема для былых англіканаў, які быў заснаваны
на падстваве Апостальскай канстытуцыі Бэнэдыкта ХVI “Anglicanorum coetibus” спецыяльным
дэкрэтам Кангрэгацыі Веравучэння ад 15 студзеня 2011 г. Узначаліць святочныя мерапрыемствы
былы англіканскі біскуп і першы ардынарый кс. Кейт Ньютан.
“Святкаванні дадуць
магчымасць членам ардынарыята і іх сябрам, як католікам так і англіканам, падзякаваць
Богу за шматлікія ласкі, якія атрымалі на працягу гэтых 12 месяцаў, найбольшай з якіх
стала шчырасць і адкрытаць з боку святароў і вернікаў Каталіцкага Касцёла”, - адзначаецца
ў спецыяльным паведамленні. З мэтай падзякі Бэнэдыкту ХVI члены ардынарыята здзейсняць
пілігрымку ў Рым, якая пройдзе 19-25 лютага. У сераду 22 лютага, яны прымуць удзел
у агульнай аўдыенцыі з Пантыфікам у Ватыкане.