Арцыбіскуп Вэльё: мігранты ўплываюць на жыццё света і Касцёла
З нагоды Міжнароднага дня мігрантаў і бежанцаў, які будзе адзначацца 15 студзеня арцыбіскуп
Антоніо Марыя Вэльё адзначыў, што сёння ў свеце пражывае каля 200 млн. мігрантаў,
15 млн. бежанцаў і каля 3 млн студэнтаў, якія пакінулі свае краіны з мэтай атрымання
адукацыі за мяжой. “Іх жыццё і праблемы знаходзяцца пад увагай Касцёла і грамадстваў,
каб яны мелі магчымасць жыць згодна з чалавечай і хрысціянскай годнасцю”, - сказаў
іерарх у інтэрв’ю нашаму радыё.
Арцыбіскуп Вэльё адзначыў, што Папская рада
пастрырства мігрантаў і падарожнікаў, якую ён узначальвае, ведае аб праблемах шматлікіх
бежанцаў. “Асаблівая ўвага ў дадзены момант скіравана да краін Афрыкі, дзе праблема
бежанцаў з’яўляецца вельмі актуальнай. Канфлікт, які пачаўся ў Судане прымусіў каля
80 тыс. чалавек пакінуць свае дамы. Гвалт, голад і хваробы прымусілі 500 тыс. жыхароў
Самалі бегчы ў Кенію, і яшчэ каля 100 тыс. у Эфіопію”, - расказаў іерарх.
Кіраўнік
папскай дыкастэрыі адзначыў, што перамяшанне народаў, рас і культур з’яўляецца магчымасцю
для евангелізацыі. “Папа кажа ў сваім пасланні на дзень бежанцаў, каб мы абудзілі
ў сабе энтузіазм і адвагу, якія мелі першыя хрысціянскія супольнасці, для таго, каб
быць эфектыўнымі носьбітамі евангельскай навіны”, - нагадаў арцыбіскуп Вэльё. Іерарх
адзначыў, што “мігранты, падтрыманыя хрысціянскай супольнасцю могуць самі стаць прапаведнікамі
Божага Слова і сведкамі Уваскрослага Хрыста” там, куды яну эмігруюць.
Арыбіскуп
Вэльё расказаў таксама, што з вялікай удзячнасцю прыняў навіну аб тым, што Папа пажадаў
надаць яму кардынальскую годнасць, падчас бліжайшага кансісторыя, які пройдзе ў Ватыкане
18 лютага. “Я звязваю з гэтым рашэннем прызнанне місіі, якую выконвае Папская рада
пастырства мігрантаў і падарожнікаў і бачу, клопат Святога Айца аб мігрантах, якія
вельмі ўплываюць на жыццё света і Касцёла”, - падкрэсліў іерарх.