Малайзія: хрысціяне патрабуюць ад урада абароны перад дыскрымінацыяй
Федэрацыя хрысціян
Малайзіі пасля сустрэчы 6 студзеня з прэм’ер-міністрам краіны апублікавала паведамленне,
у якім адзначыла, што хрысціянскія Цэрквы краіны не могуць больш змірыцца з тым, каб
быць надалей дыскрымінаванымі. Падчас сустрэчы прадстаўнікі асацыяцыі, якая аб’ядноўвае
самыя буйныя Цэрквы краіны, сярод якіх знаходзіцца і Каталіцкі Касцёл, заклікалі
ўрад да больш рашучага дзеяння з мэтай спыніць напады на іх у гэтых апошніх месяцах.
Яны заклікалі ўрад краіны зрабіць няважнымі ўсе законы, якія падтрымліваюць дыскрымінацыю
супраць іх. “У 2011 г. мы былі сведкамі беспрэцэдэнтных здарэнняў, у якіх хрысціяне
былі аб’ектам неабгрунтаваных абвінавачванняў і знявагаў. Паліцыя часта не прыймала
заяваў аб актах гвалту на хрысціянах, а афіцыйныя органы дзяржавы, у тым ліку сродкі
масавай інфармацыі, дзейнічалі без ніякай адказнасці”, - сказаў старшыня Хрысціянская
федэрацыя Малайзіі, англіканскі біскуп Мон Гінк.Лідэры хрысціянскіх Цэркваў крытыкуюць
таксама прэм’ер-міністра краіны Наіба Разака за тое, што нягледзячы на свой імідж
чалавека дыялогу, з якім прадстаўнікі хрысціян шмат разоў сустракаліся прадстаўляючы
свае праблемы, нічога не зрабіў па гэтым пытанні. Лідэры хрысціянскіх Цэркваў просяць
прэм’ер- міністра стварыць міністрэрства па справах рэлігій для немусульманаў, якога
заданнем было б абараняць правы і інтарэсы рэлігійных меншасцяў краіны.
На
заканчэнне яны нагадалі аб спрэчках, якія вядуцца ў краіне ад даўна, аб магчымасці
выкарыстоўвання ў каталіцкіх публікацыях слова Алах на акрэсленне Бога. Хаця Найвышэйшы
Суд Малайзіі на гэта дазволіў, яго не прымяняецца з прычыны пратэстаў з боку радыкальных
мусульманаў.
Хрысціяне складаюць 9% насельніцтва Малайзіі, будысты 19%, індуізм
6%. 2/3 насельніцтва складаюць мусульмане-суніты.