Бэнэдыкт XVI сустрэўся з членамі дыпламатычнага корпуса
9 студзеня Бэнэдыкт
XVI сустрэўся з членамі дыпламатычнага корпуса акрэдытаванага пры Апостальскай Сталіцы.
Папа адзначыў, што такая сустрэча традыцыйна праходзіць на заканчэнне перыяда Божага
Нараджэння, на працягу якога Касцёл святкуе прыйсце Збаўцы, “крыніцы святла і радасці”.
Пантыфік падкрэсліў, што “сучасны свет, нажаль, адзначаны цяжкімі пакутамі і шматлікімі
крызісамі: эканамічным, палітычным і сацыяльным”. “Крызіс можа і павінен натхняць
да разважання аб чалавечым існаванні і важнасці яго этычнага вымярэння, перш чым аб
механізмах, якія кіруюць эканамічным жыццём: не толькі, каб імкнуцца аднавіць прыватныя
страты ці страты нацыянальных эканомік, але, каб даць новыя правілы, якія гарантуюць
усім магчымасць годнага жыцця і развіцця ўласных здольнасцяў на карысць усёй супольнасці”.
Папа
заклікаў звяртаць больш увагі да праблем моладзі, якая пакутуе ад няўпэўненасці ў
заўтрашнім дні, беднасці, безпрацоўя, гвалту і несправядлівасці, асабліва ў Паўночнай
Афрыцы і на Блізкім Усходзе. Святы Айцец выказаў заклапочанасць сітуацыяй у гэтым
рэгіёне і заклікаў міжнародную супольнасць дапамагаць у вырашэнні праблем, якія там
існуюць.
“Міжнародная супольнасць, павінна стымуліраваць уласную крэатыўнасць
і ініцыятывы па спрыянні прымірэнню і павазе да правоў чалавека”, - сказаў Папа.
Папа
заклікаў да цеснага супрацоўніцтва паміж Касцёлам і дзяржавамі, каб разам спрыяць
справядлівасці, згодзе і прымірэнню, паміж членамі розных народаў і рэлігій. Пантыфік
нагадаў, што Апостальская Сталіца дапамагае міжнароднай супольнасці праз абвяшчэнне
велічы чалавечага паклікання і прысутнасці Боскага зерня ў ім, праз шчырае супрацоўніцтва
на карысць надыхода паўсюднага братэрства, якое адпавядае такому пакліканню.