2012-01-07 12:22:13

Ֆրանսայի Նախագահին Համար Ժանն տ՝Արք Աշխարհի Ամենայարգարժան Ֆրանսուհին է ։Սրբուհի Հռչակուած 1920ին՝Պենետիկտոս ԺԵ.ի կողմէ։


“Հարիւրամեակներ անցած է ,բայց Ժանն տ՝Արքը կը մնայ “Ֆրանսայի միասնութեան, անոր համընդհանուր ժառանգութեան առաջին խորհրդանիշը”, յայտարարած է Ֆրանսայի նախագահ Նիքոլա Սարքոզին Վոկուլիոր քաղաքի մէջ (ուր Ժանն տ՝Արք սկսած էր հայրենիքի ազատագրմանն ուղղուած իր պայքարը) հոն տեղի ունեցած իր ելոյթի ժամանակ Սարքոզին աւելցուցած է, որ Ժաննա Տարքը այսօր ամենամեծ ճանաչում ունեցող, ամենայարգարժան եւ սիրուած ֆրանսուհին է”:
Սարքոզի շեշտած է նաեւ , որ Ժանն տ՝Արքի պատմութիւնը այլեւս առասպել չէ. “անոր կեանքը ողբերգական աւարտ ունեցաւ, սակայն անոր սխրանքը ազդանշան հանդիսացաւ եւ քառորդ դար անց երկիրը(ֆրանսան) ազատագրման յանգեցուց”:
Յիշենք որ Յունուար 6-ին Ֆրանսայի մէջ մեկնարկեց Ժանն տ՝Արքի յիշատակին նուիրուած ծրագրի ձեռնարկները:
Ժանն տ՝Արք (ծնած 1412ին) 1429-1430 ին գլխաւորած է անգլիացիներու դէմ ֆրանսացիներու պայքարը: 1430ին ան գերեվարի , կը յանձնուի անգլիացիներուն: Անգլիացիները զինք կը մեղադրեն հերետիկոսութեամբ: Զինք նախ ցմահ բանտարկութեան կը դատապարտեն, յետոյ` մահապատիժի: 1431ի Մայիս 30ին զայն կենդանի կ’այրեն: Իսկ 1920ին Կաթողիկէ եկեղեցին Ժանն տ՝Արքը դասեց Սուրբերու շարքին:








All the contents on this site are copyrighted ©.