Францыя: 600-годдзе з дня нараджэння св. Жаны Д’Арк
6-13 студзеня ў Францыі
праходзяць святкаванні 600-годдзя з дня нараджэння св. Жаны Д’Арк. Ва ўрачыстай св.
Імшы, якая прайшла ў мястэчку Домрэмі, дзе нарадзілася святая, прыняў удзел таксама
Прэзідэнт Французскай Рэспублікі Ніколя Саркозі. “Днём нараджэння св. Жаны Д’Арк лічыцца
6 студзеня, урачыстаць Аб’яўлення Панна, але дакладная дата невядома”, - расказаў
у інтэрв’ю нашаму радыё гісторык Франко Кардзіні. “Ён адзначыў, што такая дата, яшчэ
ў сярэдневеччы, была абрана ў сувязі з днём калі будучая святая сустрэлася з каралём
Францыі Карлам VII”, - патлумачыў прафесар Кардзіні.
Навуковец расказаў, што
асоба Жаны Д’Арк працягвае заставацца таямніцай, бо вельмі цяжка ўявіць, як ў ХV ст.,
дзяўчынка магла кіраваць народам і войскам.
“Тое, што ўражвае ў ёй, і што
бачна з дакументаў – гэта яе абсалютная і непарушная ўпэўненасць. Існуюць акты інквізіцыі,
з якіх бачна, што адказы неадукаванай дзяўчыны жорсткім судзям, былі па сапраўднаму
прасякнуты мудрасцю”, - сказаў гісторык.
Навуковец падкрэсліў, што сёння асоба
св. Жаны Д’Арк працягвае аб’ядноўваць французаў незалежна ад іх палітычных ці рэлігійных
поглядаў. “Жана Д’Арк працягвае быць прыкладам для французскіх сацыялістаў, і ў той
жа час, не толькі для палітыкаў блізкіх да Касцёла, але нават для правых. Яе здольнасць
сабраць разам усе супрацьстаячыя сілы, з’яўляецца вельмі уражваючай і прымушае задумацца”,
- адзначыў Франко Кардзіні.