Беларусь: іерархі і вернікі павіншавалі Арцыбіскупа Гуджэроцці з юбілеем
Урачыстымі песнапеніямі,
пад гукі фанфараў, сустракалі сёння арцыбіскупа Клаўдыё Гуджероцці, Апостальскага
нунцыя ў Беларусі ў Мінскім касцёле св. Сымона і св. Алены. Тут адбылася св. Імша
ў гонар 10-годзя яго біскупскага пасвячэння. Усе хваляваліся – свой першы юбілей арцыбіскуп
адзначае менавіта на беларускай зямлі, куды быў прызначаны некалькі месяцаў таму;
вернікі ж разумеюць, прызначэнне новага нунцыя павінна прынесці – новы імпульс, свежы
подых у жыццё Каталіцкга Касцёла ў Беларусі.
Нягледзячы на працоўны дзень
і на працоўны час, у касцёле сабралася шмат вернікаў. Павіншаваць з юбілеем прыехалі
ўсе беларускія біскупы. 10 год – час падводзіць нейкія вынікі, але і час паглядзець
наперад. І многія пажаданні, у тым ліку арцыбіскупа Тадэвуша Кандрусевіча і біскупа
Уладзіслава Бліна – менавіта гэтага і датычылі.
Храм па-святочнаму ўпрыгожаны
– ідзе перыяд Божага Нараджэння. І як прызнаўся сёння сам арцыбіскуп Гуджэроцці, гэта
ўбранне яму нагадвае не толькі аб тым, як 10 год таму прыняў біскупскае пасвячэнне
з рук бл. Яна Паўла ІІ. Але і аб адной св. Імшы – таксама падчас Божага Нараджэння,
калі ён, яшчэ юнаком, вырашыў назаўсёды звязаць сваё жыццё са служэннем Богу і людзям.