Газета “Corriere della Sera” - Афрыка можа стаць зонай тэрора
Журналіст Гуідо Алімпія,
аглядальнік італьянскай газеты “Corriere della Sera”, піша ў апошнім нумары:“На поўначы
афрыканскага кантынента ўзаемадзейнічаюць між сабой ісламісцкія групоўкі аль-кайдысцкага
кірунку -- чыста крымінальныя арганізацыі”. Забойства хрысціян на Каляды стала крывавым
доказам таго, што паслядоўнікі Усамы бен Ладэна ператварылі Афрыку ў фронт барацьбы,
- піша выданне.- “Папа асудзіў гэта масавае забойства і выказаў свой глыбокі сум
у сувязі з пераследамі хрысціян. Гвалт мае месца не толькі ў Нігерыі, але і на Блізкім
Усходзе. Тое, што Пантыфік назваў "абсурдным жэстам ", з'яўляецца часткай тэндэнцыі",
- перасцерагае аўтар артыкула.
Пасля таго, як каля касцёлаў нігерыйскага горада
Мадала быў падарваны аўтамабіль, начынены выбухоўкай, і загінулі 35 чалавек, аналагічныя
тэракты былі здзейснены і ў іншых гарадах Нігерыі.
"Аль-кайдысты і іх спачувальнікі
выкарыстоўваюць традыцыйныя метады: людзі-бомбы, адначасовыя атакі, акцыі для правакацыі
міжрэлігійных сутыкненняў. Экстрэмісты з «Бако Харам» наладзілі сувязі з самалійскай
групоўкай «Аш-Шабаб», талібамі і баявікамі «Аль-Каіды Ісламскага Магрыба»,- указвае
палітолаг; нігерыйскія ісламісты ўступілі ў кантакт з экстрэмістамі ў Алжыры, у якую
ўваходзяць лівійцы, маўрытанцы, малійцы, жыхары Заходняй Сахары і нігерыйцы. Унутры
самой банды ідзе саперніцтва па захопе заходнікаў", - піша аўтар артыкула. "Выкраданні
людзей гарантуюць паступленне велізарных грашовых сродкаў. Іншыя крыніцы даходаў -
кантрабанда зброі і какаіну. Гэты рынак павялічыўся пасля смерці Кадафі. Паміж Уагадугу
і паўночнымі раёнамі Малі ўзнікла так званая «шэрая зона» тэрарызма-крымінала”,- сцвярджае
палітаглядальнік уплывовай італьянскай газэты.