Берлін: закончылася 34 Еўрапейская сустрэча моладзі
1 студзеня ў Берліне
закончылася 34 Еўрапейская сустрэча моладзі, якую арганізавала экуменічная Супольнасць
Тэзэ. У 5-ці дзённым форуме, які прайшоў пад дэвізам: “Радасць сэрца - поўня жыцця”
прыняло ўдзел больш за 30 тыс. маладых людзей, у гэтым таксама вялікая група моладзі
з Беларусі.
Падчас мерапрыемства акрамя малітваў і спеваў моладзь у рабочых
групах абмеркавала 15 розных тэмаў. У праграму форума ўвайшлі таксама сустрэчы з прадстаўнікамі
юдаізма і іслама, з палітыкамі Бундэстага. Удзельнікаў прывіталі шматлікія палітычныя
і рэлігійныя кіраўнікі света.
Наступная, 35 Еўрапейская сустрэча моладзі пройдзе
ў Рыме, які ўжо тры разы быў гаспадаром такіх сустрэч.
1 студзеня падчас вячэрняй
малітвы брат Алаіз, прыёр Супольнасці Тэзэ, аб’явіў аб іншых этапах экуменічнай пілігрымкі
даверу, якія ажыццяўляе моладзь.
2 сакавіка 2012 г. ў італьянскай Генуі Супольнасць
Тэзэ і моладзь будуць маліцца разам з уладамі Сусветнай Рады Цэркваў. З 14 па 18
лістапада 2012 г. у Руандзе пад эгідай Супольнасці Тэзэ пройдзе трэцяя міжнародная
сустрэча моладзі Афрыкі. А 3-6 студзеня 2013 г. у Турцыі моладзь прыйме ўдзел у святкаваннях
Аб’яўлення Пана разам з Канстантынопальскім Патрыярхам і ўсімі хрысціянамі Стамбула.