Ватыкан: апублікавана поўнае пасланне Бэнэдыкта ХVI да моладзі ў Берліне
29 cнежня 2011 г.
у Ватыкане апублікавана поўнае пасланне Бэнэдыкта ХVI да моладзі, якая прымае ўдзел
у Берліне ў сустрэчы, арганізаванай Супольнасцю Тэзэ. Ад імя Святога Айца пасланне
падпісаў кардынал Тарчізіо Бэртонэ, Дзяржаўны сакратар Яго Святасці папы Бэнэдыкта
ХVI.
“Вы – тысячы маладых людзей з усёй Еўропы, але таксама і з іншых кантынентаў
сабраліся ў Берліне на сустрэчы, каб разам з братамі Супольнасці Тэзэ шукаць крыніцы
даверу. Папа Бэнэдыкт ХVI спалучаецца з вамі праз малітву і натхняе адкрываць па ўсім
свеце дарогі даверу. Гасціннасць, якую вы атрымалі, кантакты з моладдзю розных краін,
моманты малітвы, якая вас яднае і дапамагае пераадольваць многія бар’еры міжчалавечых
адносін, для кожнага з вас ёсць прыгожым вопытам даверу. Ён ня ёсць сляпой наіўнасцю.
Вызваліўшы вас з нявольніцтва страха, чэрпаючы з вашай веры ў Хрыста і ў жыццё, Святы
Дух у вашы сэрцах робіць вас больш смелымі і гатовымі да сустрэчы са шматлікімі выклікамі
і цяжкасцямі, якія напаткаюць мужчын і жанчын нашых часоў. Каб ферменты надзеі не
былі задушанымі, яны маюць патрэбу ў даглядчыках. Сярод гэтых даглядчыкаў знаходзіцеся
таксама вы; прыміце ж давер, з якім Хрыстус да вас звяртаецца ў вашым ўз’яднанні.
У абліччы беднасці і нясправядлівасці многія маладыя аддаюцца гневу, безнадзейнасці,
нават гвалтоўнасці. Яны маюць патрэбу ў вас, у тым супако, які вы знаходзіце ў веры. Святы
Айцец перадае вам сваю радасць ад думкі, што ў будучым годзе будзе прымаць 35 еўрапейскую
сустрэчу вашай “пілігрымкі даверу па зямлі”. Рым вам падорыць гарачы прыём! Ад усяго
сэрца Святы Айцец удзяляе Апостальскае благаслаўленне братам з Тэзэ, усім маладым
удзельнікам сустрэчы ў Берліне, як таксама пастырам і вернікам, якія вас прымаюць.”