Бэнэдыкт ХVI: Евангелле можа патрабаваць ахвяры жыцця
26 снежня на плошчы
св. Пятра ў Рыме Бэнэдыкт ХVI звярнуўся да вернікаў перад традыцыйнай малітвай “Анёл
Панскі”. У сваім кароткім разважанні Пантыфік засяродзіў увагу на тым што першапакутнік
Стэфан быў чалавекам малітвы і евангелізатарам, імя якога значыць “карона”, і ён атрымаў
ад Бога дар пакутніцтва. “Дарагія браты і сёстры!- сказаў Папа Пасля ўрачыстай
Літургіі ў святы Божага Нараджэння сёння мы адзначаем свята св. Стэфана, дыякана і
першага мучаніка Касцёла. Гістрык Еўсевій Кесарыйскі яго называе “дасканалым пакутнікам”,
бо напісана ў Дзеях Апосталаў: “Стэфан, поўны ласкі і моцы, чыніў вялікія цуды і знакі
сярод народу” ( Дз. Ап. 6,8). Святы Рыгор з Ніса кажа: “Быў сумленным чалавекам і
поўным Духа Святога; з дабрынёй душы выконваў заданне даваць дапамогу бедным і свабодным
словам і сілай Святога Духа замыкаў рот ворагам праўды” ( Sermo in Sanctum Stephanum
II_ GNO X, 1, Leiden 1990, 98). Стэфан, чалавек малітвы і евангелізатар, якога імя
значыць “карона”, атрымаў ад Бога дар пакутніцтва. На самой справе ён “напоўнены Святым
Духам... убачыў славу Божую” (Дзеі Ап. 7,55). Калі яго білі каменнямі, ён маліўся:
“Пане Езу, прымі дух мой” ( Дзеі 7,59). Затым, упаўшы на калені, упрошваў прабачэння
для сваіх катаў: “Пане, не лічы ім граху гэтага! “ ( Дзеі. 7,60). Таму Касцёл усходняга
абрада спявае ў гімнах: “Камяні сталіся для цябе прыступкамі і лесвіцай, каб падымацца
да нябеснай радасці...і ты весела наблізіўся да святочнага сходу анёлаў” Пасля
пакалення апосталаў, пакутнікі атрымалі першае месца ў радах хрысціянскай супольнасці.
У часах жорсткіх пераследаванняў, іх хвала абнаўляе цяжкі шлях вернікаў і падтрымлівае
тых, хто шукае праўды ў наверненні да Пана. Таму Касцёл, па боскім загадзе, пакланяецца
мошчам пакутнікаў і ўшаноўвае іх званнем “настаўнікі цноты”, “жывыя сведкі”, “слупы
абажання”, “ціхія пасланнікі”.
Дарагія сябры, сапраўдным наследаваннем Хрыста
з’яўляецца любоў, якую некаторыя хрысціянскія пісменнікі назвалі “сакрэтным пакутніцтвам”.
У сувязі з гэтым св. Клімент Александрыйскі напісаў: “Тыя, хто практыкуюць Божыя
Запаведзі, даюць сведчанне сваім дзеяннем, бо робяць тое, што Бог жадае, і шчыра заклікаюць
імя Пана” ( Stromatum IV, 7,43,4). Так, як у старажытныя часы, таксама і сёння прыняцце
Евангелля можа патрабаваць ахвяры жыцця, шматлікія хрысціяне ў розных частках свету
падвяргаюцца пераследаванням і, часам, пакутніцтву. Але Пан нагадвае нам, “што той,
хто вытрывае да канца, будзе збаўлены” ( Мц.10,22).
Да Найсвятой Марыі, Каралевы
пакутнікаў, скіруем нашыя малітвы, каб захавала волю да агульнага дабра, асабліва
адносна тых, хто выступае супраць нас. У прыватнасці, даверым Божай міласэрнасці дыяканаў
Касцёла, каб, асветленыя прыкладам св. Стэфана, супрацоўнічалі, паводле сваёй місіі,
ў евангелізацыйнай дзейнасці.