Бэнэдыкт ХVI: гвалт гэта шлях, які вядзе толькі да болю, знішчэння і смерці
Пасля малітвы “Анёл
Панскі” Папа зрабіў заклік за мір у Нігерыі, дзе на свята Божага Нараджэння здарыліся
трагічныя тэрарыстычныя акты. Вось зварот Святога Айца:
“Божае Нараджэнне
ўсё больш абуджае ў нас малітву да Бога, каб спыніліся гвалты, якія спрычыняюць смерць;
няхай ў свеце запануе справядлівасць і мір. Але наша зямля працягвае быць палітая
крывёю. Я прыняў з глыбокім смуткам навіну аб тэрарыстычных нападах, якія таксама
і сёлета, у Дзень Нараджэння Езуса, прынеслі жалобу і боль ў некаторыя Касцёлы Нігерыі.
Выказваю маю шчырыю блізкасць да хрысціянскай супольнасці і ўсіх тых, хто пацярпелі
ад гэтага бессэнсоўнага ўчынку, і запрашаю ўсіх маліцца да Пана за шматлікія ахвяры
гэтага акту. У гэтым моманце хачу яшчэ раз паўтарыць з сілай: гвалт з’яўляецца шляхам,
які вядзе толькі да болю, да знішчэння і смерці. Толькі павага, згода і любоў з’яўляюцца
шляхамі, якія вядуць да асягнення міру”.