Каляднае пасланне і благаслаўленне “Urbi et Orbi” ( Гораду і свету- 2011 г.)
Дарагія браты і сёстры
Рыма і ўсяго свету! Хрыстос нарадзіўся нам! Хвала на вышынях Богу і мір на зямлі
людзям добрай волі. Па ўсёй зямлі раздаецца гэтае рэха. Да ўсіх дайшло рэха з Бетлеему,
якое Каталіцкі Касцёл нясе на ўсе кантыненты, пераадольваючы межы рас, моў і культур.
Сын Панны Марыі нарадзіўся для ўсіх, Ён Збавіцель ўсіх. Старажытны літургічны антыфон
заклікае да Яго так: “О, Эмануіл, кароль наш і заканадаўца, надзея і збаўленне для
народаў: прыйдзі збавіць нас, о Пане Божа наш”. Прыйдзі збавіць нас! Гэта лямант чалавека
нашых часоў, які адчувае, што не пераможа сам цяжкасцяў і небяспек у сваім жыцці.
Ён мае патрэбу ў ратавальнай руцэ Яго, больш вялікага і больш моцнага. Рукадапамогі,
якая з гары цягнецца да чалавека. Дарагія браты і сёстры, гэта моц рукі Езуса, які
нарадзіўся нам у Бетлееме ад Панны Марыі. Ён з’яўляецца той рукою, што Бог падае
чалавецтву, каб яно выйшла з пылу граху і ўсталявала сябе на скале, цвёрдай скале
Яго Праўды і Любові” ( Пс. 40.3)
Езус- імя таго Дзіцяці, якое па волі Божай
дала яму Марыя і Юзаф: Езус значыць “Збавіцель” ( Мт.1.31). Ён быў пасланы Богам Айцом
для збаўлення, перш за ўсё, ад глыбокага граху, які ўкараніўся ў чалавеку і ў яго
гісторыі: гэты грэх, якім з’яўляецца адыход ад Бога, саманадзейны гонар рабіць так,
каб увайсці ў спаборніцтва з Богам, і нават замясціць Яго сабой, каб вырашаць самому,
што такое дабро і што такое зло, быць гаспадаром жыцця і смерці ( Быцця 3,1-7).
Гэта вялікае зло, вялікі грэх, ад якога мы, людзі, не можам пазбавіцца, калі не даручым
сябе Божай дапамозе, каб разам з Ім усклікнуць: “Прыйдзі збавіць мяне!”.
Сам
факт ўзнясення да Неба гэтага ўпрошвання ставіць нас у справядлівыя умовы, ставіць
нас у праўдзівыя адносіны з самім сябой: мы на самой справе з’яўляемся тымі, хто заклікаў
да Бога і былі збаўленыя. Бог гэта Збаўца, а мы тыя, хто знаходзяцца ў небяспецы.
Ён лекар, а мы хворыя. Прызнаць Яго значыць зрабіць першы крок да збаўлення, да выхаду
з лабірынта, у якім мы самі замыкаемся з нашай ганарыстасцю. Толькі ўзняўшы вочы на
Неба, прасцягнуўшы ўгару рукі і просячы дапамогі знойдзем шлях выйсця, пакуль для
нас існуе Той, хто слухае і можа прыйсці на дапамогу.
Езус Хрыстус доказ таго,
што Бог пачуў наш лямант. Не толькі! Бог мае да нас так моцную любоў, якая не можа
трымацца ў Яго самім, яна зыходзіць ад Яго да нас, падзяляючы да канца наш стан жыцця.
(Зыходу 3, 7-12). Адказ, які Бог даў праз Езуса на лямант чалавека пераўзыходзіць
бясконца нашыя чаканні. Ён з намі так спалучаны, прыводзіць да салідарнасці, якая
не можа быць толькі чалавечай, але боскай. Толькі Бог, які з’яўляецца любоўю і любоў,
якою ёсць Бог можа выратаваць нас на гэтым жыццёвым шляху, які доўгі, але які мае
павагу да яго і нашай праўды: гэта шлях прымірэння, дыялогу і супрацоўніцтва.
Таму,
дарагія браты і сёстры Рыму і ўсяго свету, падчас гэтых святаў Божага Нараджэння 2011
г. звернемся да Дзіцяткі з Бетлеема, да Сына Панны Марыі, і скажам: “Прыйдзі збавіць
нас!”. Гэта мы паўтараем ў духоўным аб’яднанні з многімі людзьмі, якія жывуць у вельмі
цяжкіх умовах, выступаючы ў абарону тых, якія пазбаўленыя голасу.
Разам будзем
заклікаць да Божай дапамогі народам краін Заходняй Афрыкі, якія пакутуюць ад голаду
і ад неўраджаяў, што нават пабольшываецца з прычыны пастаянных няўпэўненасцяў. Няхай
Міжнародная супольнасць не затрымлівае дапамогу шматлікім бежанцам з гэтых рэгіёнаў,
цяжка пацярпелым з прычыны страты сваёй годнасці.
Няхай Пан суцешыць народы
краін з паўднёва-усходняй Азіі, асаблітва з Тайландыі і Філіпінаў, якія яшчэ надалей
знаходзяцца ў сур’ёзных цяжкасцях з-за нядаўніх паводак. Няхай Пан дапамагае параненаму
чалавецтву ад шматлікіх канфліктаў, з-за якіх надалей праліваецца кроў на нашай планеце.
Няхай Хрыстус, Князь Міру, даць мір і стабільнасць на Святой Зямлі, якую выбраў, каб
прыбыць на свет, спрыяючы ўзняццю дыялога паміж Ізраільцыянамі і Палестынцамі. Няхай
спыніць канец насільлю ў Сірыі, дзе так шмат крыві ўжо пралілося. Няхай паспрыяе поўнаму
прамірэнню і стабільнасці ў Іраку і ў Афганістане. Няхай Хрыстус дасць новую сілу
ў стваранні агульнага дабра для ўсіх слаёў грамадства ў краінах паўночнай Афрыкі і
Блізкага Усходу.
Няхай Нараджэнне Збаўцы умацуе перспектывы дыялогу і супрацоўніцьтва
ў М’янме, у пошуку развязак, якія ўсе падзялялі б. Няхай Божае Нараджэнне Адкупіцеля
стане гарантыяй палітычнай стабільнасці ў афрыкаснкіх краінах рэгіёну Вялікіх Азёраў
і падтрымае намаганні жыхароў Паўднёвага Судана ў абарону правоў ўсіх яго грамадзян.
Дарагія
браты і сёстры, скіруем наш позірк на пячору ў Бетлееме: Дзіцятка, якое мы абажаем
- гэта нашае збаўленне. Яно прынесла свету ўсеагульнае пасланне прымірэння і супакою.
Адкрыем яму нашыя сэрцы. Прымем яго ў нашае жыццё. Паўторым Яму з даверам і надзеяй:
“Прыйдзі збавіць нас!”.