Галандыя: заява біскупаў з нагоды справаздачы камісіі Дытмана
Апублікаваны вынікі
даследвання спецыяльнай Камісіі,якая выявіла. Што за 65 апошніх гадоў тысячы нідэрландскіх
дзяцей пацярпелі ад сексуальнага гвалту. «Мы выказваем свой вялікі смутак, - пішуць
прынагодна галандскія біскупы,- і будзем прыкладаць усе намаганні для выявы фактаў,
справядлівасці і дапамогі – духоўнай і лячэбнай – ахвярам насілля». Біскупы выказваюць
рашучае асуджэнне любым нападам на чалавечую годнасць і Евангелле. Яны запэўніваюць,
што будуць уведзены спецыяльныя праграмы ва ўстановах святарскай адукацыі для папярэджання
падобных злачынстваў.
У перыядзе з 1945 па сёння тысячы дзяцей пацярпелі ад
сексуальнага гвалту ў адукацыйных установах краіны, у тым ліку і каталіцкіх,- гаворыцца
ў дакладзе Незалежнай камісіі, апублікаваным у 16 снежня, у пятніцу. Канферэнцыя біскупаў
Галандыі таксама праводзіла падобнае раследванне пачынаючы ад 2010 года ва ўстановах,
падпарадкаваных апецы Касцёла.
Цяперашняя Камісія працавала пад кіраўніцтвам
былога прэм'ер-міністра Галандыі Віма Дытмана і ўстанавіла, што кожнае дзесятае дзіця
ў Галандыі падвяргалася гвалту ў адукацыйных установах, у тым ліку і ў каталіцкіх.
Камісія атрымала 1800 паведамленняў аб выпадках сэксуальнага гвалту ў каталіцкіх
школах, семінарыях і дзіцячых дамах. Камісіі ўдалася знайсці 800 злачынцаў, якія працавалі
ў каталіцкіх установах, 105 з якіх яшчэ жывыя, - указваецца ў дакладзе.
Выніковы
даклад Камісіі заснаваны на апытанні, у якім удзельнічала больш за 34 тыс. чалавек,
удакладняюць СМІ.