Kancelarja gjermane Angela Merikel gjatë vizitës së saj në Kosovë i këshillon serbët
të trajtojnë me autoritetet e Kosovës e pohoi se është kundër strukturave, atyre serbe,
paralele në Kosovë. Merkel i kërkoi qeverisë së Prishtinës të japë kontributin e saj
për të normalizimin e raporteve me Serbinë. Kancelarja gjermane rikujtoi se në kontaktet
direkte Berlin - Beograd, palës serbe i është bërë tashmë e qartë se “duhet të gjejë
mundësitë për të pasur bashkëpunim me Kosovën në fushën e tregtisë së lirë, në aspektin
kufitar dhe në zhbërjen e strukturave të saja paralele në vend”. "Ne bisedat tona
direkte me Serbinë kemi bërë të qartë se çfarë duam ne. Pra, ka nevojë për gjetje
të mundësive për tregti të lirë, bashkëpunim në aspektin kufitar e që në Kosovë të
mos ketë struktura paralele. Ky qe argumenti i bisedës që kemi pasur sot, pra çfarë
duhet të bëjë Kosova për të arritur sukses në këtë drejtim", theksoi Angela Merkel
duke shtuar se i takon edhe palës kosovare të kërkojë modalitete për të gjetur një
zgjidhje paqësore për konfliktin ndërmjet të dyja vendeve. Merkel pas takimit
që pat sot me kryeministrin e Kosovës Hashim Thaçi, takoi edhe komandantin e Kforit,
gjeneralin gjerman Erhard Drews, kreun e Elexit Xavier Bout de Marnhac dhe të dërguarin
e BE-së në Kosovës Fernando Gentilini. Kancelarja gjermane, Angela Merkel, u kërkoi
liderëve të Kosovës e të Serbisë të kontribuojnë në normalizimin e marrëdhënieve ndërmjet
dy territoreve fqinje.