Каталіцкія лідэры
Сірыі пацвердзілі свой заклік да спынення гвалту ў сваёй краіне. Яны таксама заклікалі
краіны свету ня ўмешвацца ва ўнутраныя справы Сірыі і адмяніць санкцыі, накладзеныя
на гэту дзяржаву.
Каталіцкія іерархі сустрэліся ў кляштары св. Ефрэма. На
заканчэнне форума яны напісалі ліст Святому Айцу, у якім запэўніваюць аб сваёй еднасці
з Біскупам Рыма і інфармуюць Пантыфіка аб сітуацыі ў сваёй радзіме. Іерархі скіравалі
таксама пасланне да вернікаў і ўсіх жыхароў Сірыі. Яны заклікаюць ўрад працягваць
рэформы і паважаць правы сваіх грамадзян. Біскупы у пасланні нагадалі аб тым, што
заклік аналагічнага зместу скіравалі таксама лідэры ўсіх хрысціянскіх веравызнанняў
Сірыі, якія 14 снежня прынялі ўдзел у перадсвяточным экуменічным набажэнстве.