2011-12-17 14:01:41

2011ի Լաւագոյն Ֆութպոլիստի՝ Հենրիխ Մխիթարեանի Այցը Գաւառ եւ Մարտունի ։


Հայաստանի 2011ի լաւագոյն ֆութպոլիստ Հենրիխ Մխիթարեան կը շարունակէ բարեգործական իր այցերը: Օրերս Դոնեցկի «Շախտար»ի( Shakhtar Donetsk ) կիսապաշտպանը Ստեփանակերտի մէջ բերաւ իր օժանդակութիւնը ազատամարտիկներու ընտանիքներուն, իսկ Դեկտեմբեր 16ին այցելեց Գեղարքունիքի մարզ:
Սկիզբը Մխիթարեան այցելեց Գաւառի Մանկատուն, ուր անոր ջերմ ընդունելութիւն կազմակերպած էին տասնեակ դեռահասներ ու պատանիներ, որոնք ֆութպոլի մեծ սիրահար են եւ ուշադրութեամբ կը հետեւին Հայաստանի ազգային խումբի իւրաքանչիւր ելոյթի:
armsport.am կը հաղորդէ, որ Հենրիխ գացած է նաեւ Մարտունի եւ հանդիպում ունեցած թիւ 3 միջնակարգ դպրոցի սաներուն հետ:








All the contents on this site are copyrighted ©.