Апостальская Сталіца: віншаванні з Божым Нараджэннем для маракоў
Папская рада пастырства
мігрантаў і падарожнікаў апублікавала спецыяльнае віншаванне да маракоў у сувязі з
надыходзячым Божым Нараджэннем. “Таямніца Уцелаўлення нясе, перш за ўсё, пасланне
паўсюднай Любові, якое мы ўсе пакліканы прыняць ва ўсё больш міжнародным, шматкультурным
і мультырэлігійным свеце людзей мора”, - гаворыцца ў пасланні. Адзначаецца, таксама,
што “святкаванне Божага Нараджэння, заклікае вызнаўцаў Хрыста, якія працуюць у марской
сферы, станавіцца прыладамі новай евангелізацыі, паказваючы такім чынам, што хрысціянсва
асвятляе вялікія праблемы гісторыі”.
Божае Нараджэнне, гаворыцца ў віншаванні,
паказвае, што Слова Бога уцелавілася ў нашай недасканалай і падзеленай чалавечай рэальнасці,
каб весці яе да дасканаласці. “Таму мы хочам спрыяць вырашэнню вашых штодзённых праблем,
звязаных са злоўжываннямі ў працоўнай сферы, крыміналізацыяй вашай дзейнасці, пакінутасці
ў замежных портах, распадам сям’яў і пагрозай з боку піратаў”, - адзначаецца ў пасланні
Папскай рады пастырства мігрантаў і падарожнікаў.
Гэта ватыканская дыкастэрыя
ажыцяўляе душпастрыскі клопат аб мараках, рыбаках і членаў іх сем’яў з 1920 г. З таго
часу, калі брат-езуіт Дэніэл Шэлдс і яго паплечнікі з англійскага Глазга, звярнуліся
да Касцёла з просьбай аб душпастрырскай апецы на людзьмі, якія працуюць у гэтай спецыфічнай
сферы.