Хрысціянскія лідэры Ірландыі заклікаюць да памяркоўных рэформ
12 снежня ў Лондан
прыбылі лідэры каталіцкай, англіканскай, пресвітэрыянскай і метадысцкай супольнасцяў
Ірландыі, паведамляе агенцтва “SIR”. Яны правялі сустрэчы з міністрамі і членамі парламента,
якія ўдзельнічаюць у заключнай стадыі абмеркавання рэформы заканадаўства. “Усе лідэры
адклалі свае абавязкі перад святам Божага нараджэння, - паведаміў журналістам англіканскі
архіепіскап Алан Харпер, бо аналіз паказаў, што Паўночная Ірландыя будзе пакутаваць
больш, чым любы іншы рэгіён Злучанага Каралеўства з-за сацыяльных рэформ, якія абмяркоўваюцца
ў Вестмінстэры. Як хрысціянскія лідэры мы адчуваем адказнасць гаварыць ад імя найбяднейшых
у нашым грамадстве, і асабліва дзяцей і сем’яў”.
Кардынал Шон Брэдзі, заклікаў
палітыкаў да адказнасці за рашэнні. “Мы знаходзімся на крытычным этапе для Паўночнай
Ірландыі. Нам патрэбны інвестыцыі ў мір, стабільнасць і эканамічны рост, а не меры,
якія пакідаюць дзесяткі тысяч нашых маладых людзей без надзеі на лепшую будучыню”,
- сказаў кардынал.
Кіраўнікі хрысціянскіх нагадалі, што Ірландыя з’яўляецца
краем, дзе ўзровень беспрацоўя, адсутнасці жылля прыносіць пакуты многім грамадзянам,
а ўзровень дзіцячай беднасці самы высокі ў Еўропе і ўдвая большы, чым ва ўсім Аб’яднаным
Каралеўстве. 40 тыс. дзяцей у Паўночнай Ірландыі жывуць ва ўмовах крайняй беднасці.
Новыя рэформы могуць пазбавіць і без таго нешматлікіх магчымасцяў развіцця.