ЗША: урад не хоча фінансаваць камісію па рэлігійнай свабодзе ў свеце
Адміністрацыя Прэзідэнта Барака Абамы хоча зліквідаваць федэральную камісію па рэлігійнай
свабодзе ў свеце. Амерыканскі кангрэс да гэтага часу не прыняў рашэння аб яе новай
аўтарызацыі. Леанарда Лео, кіраўнік камісіі адзначыў, што “яе ліквідацыця будзе мець
катастрафічныя міжнародныя наступствы і стане выразным сігналам, што рэлігійная свабода
ў свеце не з’яўляецца больш палітычнай праблемай для адміністрацыі ЗША”.
Некалькі
месяцаў у краіне вяліся дыскусіі над статусам гэтай камісіі. Вельмі важнымі для міжнароднай
палітыкі ЗША былі яе справаздачы аб стане рэлігійнай свабоды ў свеце, у якіх называліся
рэжымы, што пераследуюць веруючых людзей, і краіны, якія парушаюць правы чалавека
на рэлігійную свабоду. Прапановамі камісіі карысталася амерыканская дыпламатыя.
Амерыканская
камісія па рэлігійнай свабодзе ў свеце была заснавана ў 1998 г. Яе ўтрыманне каштавала
амерыканскаму падаткаплацельшчыку каля 4 млн. долараў у год.