Hirësia e Tij, Janullatos boton librin “Si ringrita Kishën shqiptare”.
“Në Shqipëri, Kryqi dhe Ringjallja", ky është titulli i librit më të ri të publikuar
pak ditë më parë në Greqi, me autor Kryepeshkopin e Kishës Ortodokse Shqiptare, Hirësinë
e Tij Anastasi. Ky libër mësohet të jetë një përmbledhje e intervistave të gjithë
këtyre viteve në media të ndryshme, që prekin jo vetëm tema thjesht fetare, por edhe
tema shoqërore, në Shqipëri, në rajon e më të gjerë. Botimi i këtij libri, është pasqyruar
në mediat e vendit fqinj, të cilat shprehen se teksti i tij dëshmon për atë, që ndodhi
gjatë njëzet viteve 1991-2010 në Shqipëri. Kryesisht për riorganizmin e Kishës Ortodokse
Autoqefale të Shqipërisë.
PËRMBAJTJA Subjekti kryesor i librit
është përpjekja titanike për rindërtimin nga e para të Kishës Ortodokse Autoqefale
të Shqipërisë, në të cilën Kryepeshkopi është protagonist dhe arkitekt, jo thjesht
vëzhgues. "Rezultati ka rëndësi të madhe dhe hedh dritë në këtë koleksion të artikujve
dhe intervistave për një periudhë historike që nuk është e shkurtër, është një periudhë
prej njëzet vjetësh. Libri niset thjesht nga ngjarjet kishtare. Për vlefshmërinë e
fakteve padyshim garantues është vetë autori, i cili ka njohuri të thella në historinë
kishtare, sepse njeri i kalibrit të lartë intelektual. Prandaj libri është i dobishëm
për lexuesit e me interes të përgjithshëm, përtej Kishës, edhe në politikë, në problemet
e konfliktit me sfond fetar, në zbutjen e fanatizmit, zhvillimin social, dinamikën
e shoqërive fetare, bashkëjetesën paqësore" - shkruan deropoli.com në lidhje me librin
e Kryepeshkopit Janullatos.
TEMAT Kryepeshkopi Janullatos është
munduar që në 437 faqet e librit "Në Shqipëri, Kryqi dhe Ringjallja", të përfshijë
një sërë temash aktuale përsa i përket fesë, por dhe temave të tjera të ndjeshme për
njerëzit e thjeshtë. Temat më kryesore janë: Krishterimi dhe fetë e tjera; Islami.
Fanatizmi fetar, kultura e përplasjes, terrorizmit modernizmit, dialogu ndërmjet të
krishterëve, bashkëpunimi ndërfetar, orthodhoksia në mijëvjeçarin e tretë, kisha dhe
kombi, kisha dhe rinia, ksenofobia dhe racizmi, Ballkani, globalizimi, paqja e varfëria
në botën moderne si dhe kriza ekonomike. Në faqet e këtij libri Kryepeshkopi Anastas,
jep njohuri të thella, fryt i studimeve afat-gjata dhe përvojës ndërkombëtare. Tregon
ngjarje bashkëkohore socio-politike me thellësi mendimi dhe gjerësi analize.
Marrë
nga “Gazeta shqiptare”, Dërguar më: 12/12/2011 - 15:34 nga Thimi Samarxhiu