24 снежня на плошчы
св. Пятра адбудзецца адкрыццё традыцыйнай бэтлеемскай стаенкі, у якім прыме ўдзел
арцыбіскуп Джузэппе Бертэлло, старшыня Губернатарыята горада-дзяржавы Ватыкан і кардынал
Анджэло Камастры, Папскі вікарый для горада-дзяржавы Ватыкан. Падчас урачыстага адкрыцця
стаенкі адбудзецца музычны канцэрт падрыхтаваны народным аркестрам рымскага Музычнага
парка “Аўдыторыўм”. Акрамя таго, у выкананні народнага хора, у склад якога ўваходзяць
дарослыя і дзеці, прагучаць калядныя спевы на розных італьянскіх дыялектах. Спевы
будуць суправаджацца ігрой на дудзе і ліры. Многія з іх былі напісаны ў сярэдзіне
XVII ст. св. Альфонсам Марыя Лігуоры, які злучыў глыбіню таямніцы Божага Нараджэння
з народнай простатой. Таксама падчас адкрыцця бэтлеемскай стаенкі на галоўнай плошчы
Рыма прагучаць спевы на калядную тэматыку на розных мовах свету.
На заканчэнне
цырымоніі, арцыбіскуп Бертэлло і кардынал Камастры, прадставяць майстроў, якія займаліся
будаваннем стаенкі і правядуць малітву. Каля 18.00 Бэнэдыкт XVI, традыцыйна запаліць
у сваім акне, якое выходзіць на плошчу св. Пятра, святло Божага Нараджэння.