Presidenti i Armenisë, Serzh Sargsyan, bisedon me Papën.
Sot Papa Benedikti XVI priti në audiencë shkëlqesinë e tij, zotin Serzh Sargsyan,
President i Republikës së Armenisë. Më pas Presidenti, i shoqëruar nga Ministri i
Jashtëm, Eduard Nalbadian, bisedoi edhe me sekretarin e Shtetit të Shenjtërisë së
tij, kardinalin Tarçizio Bertone, që shoqërohej nga zëvendës-sekretari i Seksionit
për Marrëdhëniet me Shtetet, imzot Ettore Balestrero. Gjatë bisedimeve të përzemërta
- njofton një komunikatë e Sallës vatikanase të Shtypit - e pasi u shpreh kënaqësia
e thellë për marrëdhëniet e mira ndërmjet Selisë së Shenjtë dhe Republikës së Armenisë,
u shkëmbyen opinione për rolin e Kishës Armene Apostolike dhe të Kishës Katolike në
shoqëri, si dhe për kontributin e të dyja palëve, për të mirën e përbashkët. U nënvizua,
në mënyrë të veçantë, rëndësia e trashëgimisë së krishterë në vend dhe impenjimi për
të edukuar breznitë e reja me vlerat themelore.