Кс. Фэдэрыко Ламбардзі,
дырэктар Ватыканскага радыё і кіраўнік Залі Друку Апостальскай Сталіцы ў сваёй штотыднёвай
рубрыцы “Octava Dies” адзначыў, што паводле падліку навукоўцаў, колькасць мігрантаў
у свеце на працягу ХХІ ст. павялічыцца яшчэ на 200 мнл. чалавек. Каментуючы прыняцце
Апостальскай Сталіцы ў Міжнародную арганізацыю па міграцыі, якое адбылося 5 снежня
2011 г. кс. Ламбардзі адзначыў, што “эканамічны крызіс не памяньшае праблему міграцыі,
але робіць яе больш цяжкай з розных пунктаў гледжання.
“Таму мы працягваем
назіраць вялікія плыні мужчын і жынчын, якія пакідаюць свае краіны, і нават рызыкуючы
жыццём перасякаюць Міжземнае ці Чырвонае мора, Сінайскую пустыню ці Арызону, прымушаныя
да гэтага беднасцю, прыроднымі катастрофамі і пераследам”.
“Якім чынам можна
іх абараніць, даць магчымасць стабільнага і годнага жыцця, каб іх не ўспрымалі, як
небяспеку, але як праваднікоў і будаўнікоў мастоў у працэссе перамешвання чалавецтва?”,
- задаецца пытаннем дырэктар Ватыканскага радыё.
“Святы Пасад актыўна дзейнічае
ў гэтай сферы. Яшчэ Пій ХІІ пажадаў стварыць спецыяльную Раду пры Рымскай курыі, якая
б пачала займацца гэтымі праблемамі, а затым Павел VI умацаваў яе”,- нагадаў ксёндз
Ламбардзі. Сёння Апостальская сталіца паклікана быць не толькі назіральнікам, але
членам Міжнароднай арганізацыі па міграцыі з поўняй паўнамоцтваў, менавіта для таго,
каб умацаваць сваю дзейнасць і салідарны ўдзел з супольнасцю народаў”.
“Святы
Пасад з’яўляецца рэхам абароны правоў чалавека на падставе абсалютнай упэўненасці
аб годнасці кожнай чалавечай асобы, а таксама рэхам вопыту шматлікіх каталіцкіх арганізацый,
якія працуюць на гэтай ніве на кожным кантыненце, рэальна дапамагаючы і напаўняючы
зместам і даверам свае словы і прапановы. Разам з мігрантамі, бежанцамі, даючы ім
магчымасць жыць і ўзрастаць, мы павінны будаваць нашу супольную будучыню”, - адзначыў
дырэктар Ватыканскага радыё.